الأحد، فبراير ١٨، ٢٠٠٧

مبروك .....المصرى تطور من "فهلوى" ألى "هباش"شفتو الهنا اللى أنحنا فيه


قرأت موأخرا كتاب "المصريون فى المرآة" للكاتب رجب البنا ،والذي تحدث فيه عن أسباب ما وصلنا أليه من حالة التخلف واللا مبالة التى نعيشها الأن

من ضمن أبواب الكتاب تحدث الكتاب عن تشخيص وصل اليه أحد علماء الأجتماع المصريين وهو الدكتور "حامد عمار " عن القيم السائدة فى الشباب" ووجد د. حامد للأسف أن صفة الفهلوى هى الصفة الغالبة على المجتمع المصرى الأن ومن صفات هذه الشخصية الأتى

1)التكيف السريع والقدرة على التلون مع المواقف

2)النكتة المواتية كوسيلة للهروب من المشاكل

3)المبالغة فى تأكيد الذات وأدعاء القدرة الغير مبررة بموهبة حقيقية فهناك فرق بين الثقة فى النفس والغرور

4)الأهتمام بالمظاهر كنوع من أثبات الذات

5)السخط السلبى على الأوضاع القائمة كنوع من ألأختلاف مع أنه فى الظاهر يبدى الخضوع

6)النظر الى السلطة كأنها قدر ولا ينتظر منها أى ألفة أو مودة بل على العكس لا يحترم الاالقوة منها فهذا هو ما يتوقعه

7)أسقاط أسباب المشاكل على غيره كنوع من تبرير الفشل

8) الفردية وعدم القدرة على العمل الجماعى

9)الحرص على الوصول الى الغنيمة بأسرع الطرق وأقصرها دون أعتراف بالوسائل الطبيعية سواء بالرشوة أو بالغش أو بالوسطة

هذه هى سمات الفهلوى وأن أرجع د.حامد تكون هذا النمط من الشخصيات الى ظروف أجتماعية وسياسية فرضت على المصرى التشكل فى هذا القالب السلبى

للعلم هذا النمط السائد فى السبيعينات والثمنينات أما الأن فالمصرى تتطور للأسف شخصية "الهباش"الذى يخطف بسرعة بقدر ما يستطيع ويجرى قبل أن يلاحقه أحد سواء حساب القانون أو المجتمع

هذه هى


رؤية متخصص لحالة المواطن المصرى الأن

للأسف معظمها ينطبق علينا


فهل نستطيع أن نتخلص من هذا النمط الأنفتاحى القمئ

أتمنى

23 Comments:

At ٣:٥٩ م, Blogger SomeOne said...

انا بصاحة بحس في نفسي سعات بعض الصفات دي

وبحاول اتخلص منها

بس انت عارف سهل تكون وحش

لكن صعب قوي تكون حلو

 
At ٦:٥١ م, Blogger مـحـمـد مـفـيـد said...

وانا اتمني مثلك يا حبيبي
اذا كنا نريد ان نتغير حقا

 
At ١١:٣٤ م, Blogger ibn nasser - ابن ناصر said...

يعني أنا مش عارف بعد تطور المصري من فهلوي الي هباش هيبقي ايه بعد كده يعني فهلوي ايام السادات في السبعينيات هباش أيام مبارك في الثمانينال والتسعينات واللافيه هيبقي ايه بعد كده أيام جمال مبارك!! وأنا كاتب علي حاجه كده برضه عندي وهي أول حاجه كنت كاتبها في المدونه عندي "التغيرات الجذريه في الشخصيه العربيه"

 
At ٦:٤٩ م, Blogger قصاقيص said...

الصورة اللي رصدها الفصل ده من الكتاب حقيقية لاشك وفعلا كلنااو معظمنا فينا صفات من الشخصية اللي تم تحليلها
بس زى ماهو واضح ان سبب ظهور الشخصية دي بصفاتها هي ظروف سياسية واجتماعيه فالتغيير اكيد صعب في ظل نفس الظروف
يعني لازم فوق محاولاتنا مع نفسنا الظروف كمان تتغير وتتغير ملامح شخصياتنا سواء"فهلوى أو هباش"0
يعني تقدر تقول انه"صعب أوى نزرع قماح في أرض مابتطلعش غير كوسة"...ولا ايه؟؟

 
At ٩:٤٠ م, Blogger The Eagles said...

للاسف هذه حقيقة داخل بلدنا الحبييب
اسمحلى بان احكى لك موقف بسيط حدث اليوم لنا داخل مؤتمر على مستوى الجامعة ويحضره طلاب من كليات مختلفة ونواب رئيس الجامعة وفى المقاعد الخلفية يقعد مجموعة من هؤلاء الفهلوية المهمشين كلما يحدث شىء يسفقون ويصفرون دون دنى داعى لذلك وكان شىء مؤسف ملحوظ
احسمحلى بان احلكى لك موقف اخر ولكنه حدث اثناء اعتصام العمال ـ بصراحة لا اتذكر عمال شبين الكوم ام عمال المحلة الكبرى ـ المهم انك عندما ترى صورة الاعتصام وللوهلة الاولى تعتقد انهم يشجعوا مباراة للنادى الاهلى ومن الممكن ان توضع على موضوع يعبر عن ذلك
هناك اشخاص وللاسف يزداد اعدادهم بشكل متزايد فى مجتمعنا وهم من تستطيع ان تطلق عليهم لفظ ـ زييطة يعنى بيزيطوا فى حاجة وعلى اى حاجة ومن غير اى لزمة ـ
اتمنى ان تنضج اذهان هؤلاء كى نتحرك بمجتمعنا الى الامام


والسلام..........

 
At ٢:٤٩ م, Blogger micheal said...

يا ريت فعلا نتغير لاني فعلا شايف ان قيم المجتمع في النازل من ساعة ماالانفتاح بدأ و طغت علينا النظرة و النمط الاستهلاكي و الوصولية و من ثم الفساد و الرشوة و المحسوبية و من ثم انهيار في منظومة القيم..أنا عامل موضوع مشابة عندي..أحب تشوفة يا صديقي
تحياتي

 
At ١٠:٠٨ ص, Blogger smraa alnil said...

كلنا بنتمني كدة بس هتقول لمين
سؤال يطرح نفسه
لو ابتدينا بنفسنا في التغيير هل العالم المحيط بينا هيخلينا نتغير
ولو العالم المحيط بينا اتغير
هل هنقدر نتعايش خصوصوا اننا اتاقلمنا علي وضعنا كدة
؟؟؟
يعني من الاخر مين مع مين

 
At ١:٥٠ ص, Blogger Unknown said...

ياخبر
ده انا كنت هقول ايه ده, احنا بقينا وحشين أوي كده ليه؟
نقوم ده يبقي الزمان بتعنا, ودلوقتي بقينا أسوأ من كده؟

 
At ٢:٠٢ م, Blogger راندا رأفت said...

اول صفة وهي القدرة على التكيف دي صفة رائعة في المصريين وبيعتبر كمان ذكاء اجتماعي
والنكتة دي سمة المصريين بس ومافيش اي شعب في الدنيا بيقدر يعمل قفشات زي المصريين وهو نوع من تجميل الحياة
ياريت الصفتين دول يستمروا ومايندثروش مع كل حاجة جميلة اندثرت
.....
اما بقى الغرور وادعاء القدرة فدا لاننا شعب ذا ثرات كل واحد متخيل انه صاحب هذه الحضارة وهذا التراث
والسخط السلبي لاننا مش قادرين نتخلص من الحكم الفرعوني اللي لسة بيحكمنا لسة التعذيب شغال بامر السلطات " لاقطعن ايديكم وارجلكم.."
والوصول الى الغنيمة باي طريق دا من شيم بعض الطبقات مش كلها .
.........
اعتقد ان الكاتب يقسو جدا على الشعب دون النظر لظروفة الصعيبة التي يحياها منذ خلق
الذي يعد من اكثر الشعوب معاناة في العالم

 
At ١:٣٥ ص, Anonymous غير معرف said...

ازيك يا عمور ..

والله يا عمرو مش عارفين المصري هيوصل لحد فين بالظبط بس اللي انا شيفه دلوقتي انه عدى مرحلة الهباش دي لكنه لسه محتفظ بشخصية وصفات الفهلوي بس الجديد انه دخل مرحلة الهلس فالمصري حاليا بقى ولا فهلوي ولا هباش ..بقه هلاس هلاس هلاس يا دكتور بيدور على الهلس ايا كان واينما كان ..


قبل منسى الف الف الف مبروك على التخرج يا دكتور

 
At ٥:٠٧ ص, Anonymous غير معرف said...

بالنسبة للسؤال الأخير
فالإجابة هى : لا
...............
إلحق.....فى واحد فاضحك فى الكومنت اللى قبلى
...............
أنا مين؟
فاعل خير
ولا اقولك
انا جمال عبد الناصر
رد بقى و قولى
ربنا ينصرك يابنى
............

 
At ٥:٢٩ م, Blogger فوكيره said...

لا اجزم بعدم وجودها النهائى

ولكنى اشعر انى ومن حولى

من من التصقت بهم بعض هذه الصفات كان او كلها

الان نتخلص منها وبشده

 
At ١٢:١٣ ص, Blogger -_- said...

أزال المؤلف هذا التعليق.

 
At ١٢:١٤ ص, Blogger -_- said...

رجب البنا ده كاتب فظيييييييييع

 
At ٧:٥٠ م, Blogger No Fear said...

السلام عليكم
يعجبني التحليل العلمي لأي حاجة
تحياتي
سلام

 
At ٧:٣٥ ص, Blogger el2ahwagi said...

elmawdoo3 mo3aqad gedan we sa3b...

elislaa7 eleqtesaadi howa elbaab ...

elsha3b beyet7awel lelfahlawa weltahbeesh le2ano shayef nas betethra men gheer matet3ab ...

lamma yeb2a el3amal howa netagoh el3eesh elshareef sa3etha haterga3 elqyam elli matet felsha3b ...

emta wezay da ye7sal ... lamma nezam el7okm yetghayar lenezaam mafhoosh hetafaat ... wem3ah elsha3b kaman yetghayar le2ano khad 3alhetafaat di ...

lel2asaf bashoof mosta2bal kol elsarkhaat elmo3arda ennaha bardo hat2ool lenezaam mokhtalef laken qa2em 3alhetafaat ..

nefsi fi mo3arda bet2oom 3ala wa3y webarnameg madroos ... mosh shayif da ...


ta7yati ya basha ...!

 
At ٨:٢٤ ص, Blogger بيجاسوس المصرى said...

ازيك يا غريب يعنى انت فين ياراجل وحشتنى تعليقاتك الجميلة
اتمنى من الله انك تكون بخير لانك بجد ليك فترة محدش بيشوفك
تحياتى

 
At ١١:١٧ ص, Blogger بين الأمل و اليأس said...

هي دي مصرنا وشعبنا
مش هانعرف نتخلص منها
لازم نبدأ بنفسنا
وربنا يسترها

 
At ١:٣٤ ص, Blogger King A.S.R said...

ههههههههههه
من فهلوي لهباش يا قلبي لا تحزن
بس ياله كفاية عليه انه لسه مصري

 
At ٣:٠١ ص, Blogger 3asfortels7ab said...

انا مش دخله اعلق علي البوست لا علي المدونة كلها

انت لست بغريب
ولكنك للقلب قريب

 
At ١٢:١٠ ص, Blogger uogena said...

بسم الله الرحمن الرحيم

الانسان هو نتيجه بيئه ومجتمع نشأ فيه , تبعا لما يحيط به تتشكل شخصيته ..
اعتقد ان المجتمع المصرى منقسم الى صائد الفرصه وقانع مضطر ..

لذا مابين تلك الصفات يتشارك الجميع

 
At ٦:٠٠ م, Blogger SomeOne said...

الووووووووووووو


انت فين يا مان
؟؟؟

 
At ٧:٣٢ م, Blogger محروس said...

مش نخلص الاول من الناس اللي بيضطرونا لكده

 

إرسال تعليق

<< Home

مجتمع المدونين المصريين